ཟིན་འགོད་དང་བསྐྱར་ཞིབ་སྡེ་ཚན་འོག་ལུ་ ཟིན་འགོད་སྡེ་ཕྲན་དང་ བསྐྱར་ཞིབ་སྡེ་ཕྲན་སྦེ་ དབྱེ་བ་ཕྱེ་སྟེ་ཡོད། སྡེ་ཚན་འདི་ རྩོད་དཔོན་ཡོངས་ཁྱབ་འོགམ་གིས་ འགོ་ཁྲིད་འབདཝ་ཨིན། ཟིན་འགོད་སྡེ་ཕྲན་གྱིས་ གཞུང་གིས་ དྲི་གཏུགས་འབད་མི་ དཔྱད་ཡིག་ཚུ་ ཟིན་འགོད་བཏབ་དང་འབྲེལ་ འབྲེལ་ཡོད་ལྷན་ཁག་/ལས་སྡེ་ཚུ་གིས་ མངོན་གསལ་ཅན་གྱི་སྲིད་བྱུས་ལམ་སྟོན་ཚུ་བྱིན་དགོ་པའི་ཁར་ ཟིན་འགོད་བཏབ་ནིའི་དོན་ལུ་ ཡིག་ཚང་འདི་ལུ་ མཁོ་གལ་ལྟར་ གྲོགས་རམ་གང་དྲག་བྱིན་དགོཔ་ཨིན། དེ་གི་དོན་ལུ་ འབྲེལ་ཡོད་ལྷན་ཁག་/ལས་སྡེ་ཚུ་གིས་ འབྲེལ་ཡོད་ལས་སྡེ་དང་ རྩོད་དཔོན་ཡོངས་ཁྱབ་ཡིག་ཚང་གི་བར་ན་ གཞུང་འབྲེལ་གྱི་འབྲེལ་བ་འཐབ་ནི་དང་ ཡིག་ཚང་འདི་གིས་ ཟིན་འགོད་འཐབ་ནིའི་ནང་ ལྷན་ཐབས་ཀྱི་དོན་ལུ་ འབྲེལ་འཛིན་འགོ་དཔོན་ཅིག་ ཡིག་ཐོག་ལུ་ བསྐོ་བཞག་འབད་དགོཔ་ཨིན། སྡེ་ཚན་འདི་གིས་ […]

རྩོད་དཔོན་ཡོངས་ཁྱབ་ཡིག་ཚང་གི་ བདག་སྐྱོང་དང་དངུལ་རྩིས་སྡེ་ཕྲན་འདི་ གཞུང་གི་ལྷན་ཁག་དང་ལས་ཁུངས་སོར་སོའི་ བདག་སྐྱོང་དང་དངུལ་དང་ ཅོག་འཐདཔ་སྦེ་ ལཱ་འབད་དོ་ཡོདཔ་དང་ སྡེ་ཕྲན་འདི་ ཤུལ་ལས་ ཡིག་ཚང་གི་མཁོ་གལ་དང་བསྟུན་ཏེ་ བདག་སྐྱོང་གཙོ་འཛིན་འགོ་དཔོན་ཅིག་ བསྐོ་བཞག་འབད་ཐོག་ལས་ སྡེ་ཚན་ལུ་ ཡར་སེང་བརྐྱབ་ནི་ཨིན། ད་ལྟོའི་གནས་སྟངས་འབད་བ་ཅིན་ བདག་སྐྱོང་སྡེ་ཕྲན་འདི་ མི་སྟོབས་ཞིབ་རོགས་འགོ་དཔོན་གྱིས་ འགོ་ཁྲིད་འབད་དོ་ཡོདཔ་དང་ དེ་བཟུམ་སྦེ་ དངུལ་རྩིས་སྡེ་ཕྲན་འདི་ རྩིས་འཛིན་པ་གོངམ་གིས་ འགོ་ཁྲིད་འབད་དེ་ཡོད། ད་ལྟོ་ཡོད་པའི་ཡིག་ཚང་གཞི་བཀོད་འདི་ སྤྱི་ལོ་༢༠༡༦སྤྱི་ཟླ་༦པའི་སྤྱི་ཚེས་༢༨ལུ་ རྒྱལ་གཞུང་ཞི་གཡོག་ལྷན་ཚོགས་ཀྱིས་ གནང་བ་ གནང་གནངམ་ཨིན།